Iimbaleki zaseDikeni ziwuqale kakuhle kakhulu unyaka ka-2026 izolo umhla wokuqala kweyoMqungu ngokuthi zenze imbali kumhlaba wonke jikelele yokuqala zigqibe umgama omde wokuzilolonga ongamashumi amathandathu eekhilomitha ( 60 km).
Injongo ephambili yalo mdyarho nobuqala e-Addelaide uzophela e-Dikeni kukukhuthaza iimbaleki ukuba ziwuqale unyaka kwinqanaba eliphezulu zizame ukusebenza ngaphezu kokuba zenzile kunyaka ophelileyo futhi ziyithyale nemiqobo emi phambi kwempumelelo yazo.
Ukanti kwimbalelwano ekhutshwe leliqela leembaleki zaseDikeni uMnumzana uLwazi Mbambo uthe le ikwayindlela eqhubekayo ebonakalisa imbeko nokuthakazelela kwabo ubuhle bendalo nobume-mhlaba baseMpuma-Kapa kule ngingqi yaseRaymond Mhlaba.
Utsho ebalula iindawo abadlule bezibuka kuhola wendlela uR63 odibanisa ezidolophu zikhankanywe ngentla kuquka ubume – mhlaba be Karoo, intaba ezinkulu ezinobungangamsha zase Winterburg nase Kartberg bebethwa yimimoya emnandi yeefama zalemihla.
Lamaqhawe eembaleki ezintlanu nezizenzele udumo lokuwuqala ziwugqibe umdyarho ngexesha elibekiweyo afike kumhlaba wakwaNokholeji amnkelwa ngezandla ezishushu zezinye iimbaleki ebezilinde ngokubaleka umgama we10 km.
I-Alice Road Runners Club ibulela bonke abantu abayixhasayo ikwamemelela bonke abantu abanomdla wokuzibandakanya nale club kuquka noosomashishini abanomdla wokuxhasa eliphulo leembaleki zaseDikeni baqhagamishelane nabo ku 0627575308 okanye babhalele ku-
sec.arrc@gmail.com
