Ziyabetha-bethana izimvo zabahlali baseDikeni malunga nokuvalwa kweevenkile zabakwaSteers nakwaDebonairs Pizza. Ezi venkile zimbini zokutyela zizakugqiba iiveki ezimbini zingasasebenzi. Abahlali nabathandi bokutya bezivekile bakhathazekile ngelixa abanye besithi zincedile zivale. Umhlali ongafunanga ukuba lichazwe igama lakhe uthi ezivenkile ukutya ebezikuthengisa bekungekho mgangathweni kwaye bezisoloko zingenazo izinto ezifunwa ngabahlali. “Ngenye imini ndaya ndiyokuthenga ndafika bengenawo umachine wobhatala ngekhadi, ukanti ngaphambili ndafika ndafuna uhlobo oluthile lwebhega bathi abanayo”Uqhubeke ngelithi ebeyibonile lentoyokuvalwa kwezivenkile ingakumbi usteers nanjengoko ebesoloko ethengisa i – “ayikho”.Omnye wabahlali kudliwano-ndlebe neliphepha-ndaba ogama lingu Asemahle Gogela uthe, ” Besisavuya eDikeni ngokubakho kwezivenkile ngoba nabafundi bezibanceda kakhulu nanjengoko bengenaxesha laneleyo lakupheka ingakumbi ngexesha leemviwo.” Uqhubeke wathi uAsemahle ezivenkile bezikwazise uphuhliso eDikeni. Lomhlali nongu mfundi uthi inkxalabo abanayo kukuba ezivenkile bezikwavule amathuba emisebenzi kulutsha lwalo masipala. Ukuvala kwezivenkile ngesiquphe kushiye nezinye iivenkile zimangalisekile. Abahlali bakhalela iibhega zasimahla ebezifumaneka rhoqo ngolwesithathu xa umntu ethenge ibhega enye ebenikwa eyesibini mahala.Bezingekaphenduli kwimbalelwano eziyithunyelwe leliphepha-ndaba iziphathamandla zezivenkile ngelixa lokushicilela.NB:Ningalibali amaxabiso aphantsi okutya okusemgangathweni okuphela kwenyanga ayaqhuba kwivekile zabakwaNtu Spar no Georgious Spar.
